آراء وتحليلات

ربنا يكفينا شر اللى مستكترين فرحتنا

*أحمد كان حلمه يدخل طب وربنا كرمه وجاب ٩٩٪ في الثانوية العامة ، ماكملش يومين ومات ف حادثه ..
*رحمة طالبة نجحت بمجموع ٩٧,٧ حصل لها شلل في الحركة تاني يوم
مصطفى الحفناوي ٢٥ سنة جلطة في المخ ثم وفاة
ماكملش حلمه وفرحته ولا لحق يشوف زعل الناس عليه وحبهم له ودعواتهم ..
أنا شخصيا وأنا فى أولى جامعة كنت ب آخد منحة تفوق، ومنحة خاصة من رئيس الجامعة،ونتيجة لذلك،كان أكبر نفسنة من أعز الصحاب،وفجأة أصيبت بشلل حركى،وتركت الإمتحان
ولسه الناس مكملة حقد وغل وسواد وكراهية لغيرهم
ولسه الناس بتستخسر الفرحة لغيرها وبيستكتروا الشعور بالنجاح او السعادة للبعض ..
الناس بتحسد الميت على موته،بدلا من دعواتهم وترحمهم عليه،الناس بتحسد اللى فى القبور على صمتهم،وبعدهم عن وجع دماغ الدنيا،فى حين لو عرض على أحدهم الحياة فى القبر لمدة نص ساعة، يرفضون!!

محدش قادر يفهم إن الانسان اللي ربنا فرحه ده اتاخد ايه منه قصاد شوية نجاح …اتحرم من ايه قصاد حلم اتحقق من احلامه ….عاصر ايه وشاف ايه واتوجع قد ايه قصاد تحقيق أمنية واحدة من امانيه ….
تعرف ايه انت عن اللي طالع بيضحك في ستوري ولا طالع يتصور مع عيلته فرحان بوجوده وسطهم بعد سنين غربة وشقاء وحرمان وفقد!!! …..
تعرف ايه انت ياللي قاعد ماسك الفون تقلب في الصور بكل غل وتمني زوال النعمة ….!!!! وقصاد النعمة دي في ١٠٠٠ ابتلاء عاشه صاحب الصوة !! تعرف ايه !!!
الناس بقت عبارة عن شوية صور …دي حقيقة
انت عمرك ما هتعرف ايه مستخبي تحت التشيرت البراند او ايه متخفي ورا الدريس والفون والعربية الواوو …
عمرك ما تفهم الانسان ده تعب قد ايه في حياته ،او عمل خير ايه اللي يخللي ربنا يكرم سيرته على كل لسان …..
موت الشباب في عمر الزهور وموت الفجأة والفجيعة لقلب الامهات بقى كتير اوي في زماننا ده …..
يارب الناس تتعظ …ده درس لينا كلنا عشان نفهم انها مش دايمة لحد …..قبل ما تحسد وتحقد وتغل وتاكل في نفسك
شوف الانسان ده خسر قد ايه وكام وازاى قصاد شوية فرحة انت مستخسرهم فيه …على كم سيشن عمله فكرته أروق خلق الله …..والله متبرئ من ظنك ومن شيطانك الحاقد الحاقدون والحاسدون علة من علل المجتمع …..
ربنا يكفينا شر النفوس اللي بتكره الفرحة والراحة وبتحسد غيرها من بعيد وقريب ومش سايبة سيرة حد في حاله
ربنا يصرف عنا النفوس المريضة المليانة بالأذى ….
الله يرحم خالد ومصطفى ويصبر قلب الأمهات والله ويربط على قلوبهم ….

اللهم لا ترينا سوءا ولا ضرا في من نحب واصرف عنا شرور الأعين الحاسدة وشر النفوس الخبيثة التي تبارك لنا وفي داخلها تلعن وتسب كل خير يأتينا …

العين حق ….اللهم أكفنا شرها

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *