عبد الكريم الشعراوي
رئيس نادي الادب
صحيت م النوم وكالعادة مسكت الفون اشوف الدنيا فيها ايه قيت اخبار تسر الخاطر المهموم هنا مسئولة في الدولة تاخد في البلد جولة بتفتح قصر كان قفول وغايب عن اداء دوره لو انه كان في قلبه زمان فنون واداب ونور ساطع وكان منه أشعة نور بتتجاوز جبال وبحور
وتوصل اخر الدنيا تقول سينا تاريخ مكتوب وفيه منها عقول وقلوب
بتعزف غنوة الانسان في قلب البادية والوديان وفي ربوع العريش اتها وقبل مااتوه من الاخبار
لبست هدومي باستعجال عشان الحق اشوف الناس عشان الحق اعيش احساس بقالي كتير لا حسيته
ولاشفته في بلدتنا ولما خرجت للشارع لقيت بسمة بتتشاقي علي وشوش اللي صادفوني وبالاحضان يقابلوني لقيتني خلاص بالاخلاص باقول سينا من الليلة
لابد تعيش في بحبوحة وترجع تاني مفتوحة وبالاحضان لزوارها
وتفضل مصر زوادها
