مر ٣٨ عاما على ذكرى عظيمة ولحظات اعظم لحظة رفع العلم المصرى على كامل التراب المصرى ياربى ايام لاتنسى . اجمل مافى الموضوع اننا بنحتفل بيه وبذكرياته الجميلة . ونشاهد فى نفس اليوم او ل حلقات مسلسل “الإختيار” وعنه إتحدث .
أخيراً عادت الدراما الرمضانية تُناقش أمور جادة ، كُنا فى السابق نتهكم على دراما رمضان ، واليوم نفخر بتنفيذ قصة حياة ضابط الصاعقة البطل المِغوار الشهيد أحمد صابر منسى فى مسلسل يُعرض فى رمضان . شكراً “تامر مرسى” المنتج الراقى ، شكراً صُناع العمل الفنى .. ( شكراً لمن فكر ومن نفذ ومن ساعد على خروج قصة “منسى” للنور )
ولا عمرنا هننسي مذبحة رفح الاولي ولا التانيه ولا اتوبيس المجندين اللي جاي من الاجازه ولا الكماين اللي اضربت كل يوم والتاني ولا اضربة قسم ثالث اللى كانت خلف بيتى مباشرة يومها حسيت كان القيامة قامت صرخات الناس ملات الشارع وصرخات الاطفال انا شخصيا كل الشبابيك وابواب البيت انفتحت وشباك الصالة وقع عليا لو لا ستر الله . وعمر ى مانسى ضربة كمين كنتاكى اللى جمب بيتى ياربى مشاهد عظية وقاسية عشناها وعاشها اولادنا واطفالنا اصعب من مشهد يوم ٥يونيو ٦٧ . وعمرى ما حانسى ولا العبوات الناسفه اللي كانت بتوجع قلوبنا ع العسكري والمدني وولادن ورايحين مدارسهم والمتفجرات اللى كانت على سور المدارس ولا عمرنا هننسي اولادنا واطفالنا واصحابنا اللي راحو سواء مدنين ولا عسكرين ولا خوفنا ورعبنا اللي عيشناه ولا هننسي الانفجارات والرصاص وضرب النار اللي كان حوالينا في كل مكان واللي شوفناه بعنينا ولا عمرنا هننسي حياتنا اللى عيشوها لنا الكلاب تحت مسمي الدين والاسلام ولا هما مسلمين اصلا ولا بيعرفو ربنا ولا عمرنا هننسي ايه ولا ايه تاني وحاجات كتير مش حابه اذكرها كلها جرح والم
في ابطال كتير زي منسي يمكن محدش يعرف عنهم حاجه.فى احداث كثير عشناها وشفناها طيلة سنوات من الدفاع على تراب الوطن والحفاظ علية اجيال تتواصل للدفاع والمواجه على ارضنا الحبيبة . صباح الخير ياوطنى 🇪🇬🇪🇬🇪🇬
خالص تحياتى . سهام عزالدين جبريل
