أكد الفنان عماد رشاد أنه زوج رومانسي جدا، وقال: “أنا بقول إنى عاطفى جداً وعامل الناس بالعاطفة يعاملوك بالعاطفة وأقوم بتجهيز العشاء على ضوء الشموع لزوجتى، ومستحيل هعمل كده وهي هتبقى وحشه معايا يعنى انا بجبر بخاطر اللى أمامى وأميز بيبقى كويس معايا، وأهم حاجة ريح مراتك وقول لها حاضر، واعمل اللى انت عاوزه”.
وتابع عماد رشاد خلال حلوله ضيفا مع الإعلامي د. عمرو الليثي ببرنامج واحد من الناس، ” تابعت حاجات على السوشيال ميديا صعبة اوى ، نصيحتى للزوج قول حاضر، و متجيش فى الهايفة و تتصدر، الحاجات الكبيرة تنتهي بعشاء جميل وكلمتين حلوين ، و نصيحتى للشباب لما تعمل غلطة اوعى تعترف، لان الست الشرقية هتفضل فاكرها ليك” .
وأضاف عماد رشاد أن المرأة الشرقية صعب انك تعترف لها، و ده من المحبة و انا مش هعترف و لا عمرى هعترف، و انا بقالى ٤٠ او ٤٥ سنة زواج لأنى تزوجت و انا صغير و زوجتى تركت التمثيل بعد سنتين من الزواج بعد ما خلفنا ياسمين و كان قرار خطأ و كنت اتمنى انها كانت ترجع تشتغل علشان كانت مركزه معايا انا بس .
وأشار أنه كان يكتب لها على أكياس الرمل فى معهد فنون مسرحية بحبك و هى كمان كتبت لى بحبك و دى كانت البداية .
